Ding Susulu...

Nukarin la ring kandila, purus lamung mipagkwentu...

Pero masaya at dakal la ring tau...

Madagul pangayaliwa, king ibatan tamung kayanakan...

Mebiyasa tamung mibule king kabiayan, at tuking mataimtim king

limbun...
Ditak mung aus o lawe nang Tata, balu tana ing buri nang sabyan. eka man makatiplad laban king utus ding matua tamu.

Sasabyan da mas pantas la king belwan ding bayung sibul, pero lawen tamu ing paligid, nula anti ding manintun asan o sasaup mamalwe kang Tata, manantabe mamipi kang Ima.

Pilan la pa ding pamilyangbalu tamung mangadi neng bayu matudtud..pilan la karing anak da ring biyasang manungge...

Pilan lang manantabe karing wali para mabyasa lang mamasa...

Nula anti ding balu tamung manyaklung pamipi nang ima, king pipawasan tamung imalan?



Pero lawen ta, masaya...nanu kaya ing pakibat?

Eku pu nasa ing palungkutan ku ing kekayung diwa, nune buri ku mung iyapse ing kanakung paglalawe king bayung kapaligiran. Atilu pa kaya kareti ing sasabyan da ring meyangu na bieng pipumpunan tamu, na ila ding pag-asa ning kekatamung bukas. Ding litratung makapaskil, meyakwa lang alang kapiadyan. Ing mesaglawe kung simpatiya, ala yang tatamakan a metung man tau karing maka larawan.

Tutu pin pu lupa dala, pero kaku neman pu ing pengwa kung letrato...nung kailangan pu ing dispensa yu, andwan ku ing kekayung kapatawaran. (milimbag king kapampanang liku-liku).